tirsdag 5. april 2016

Fest og såpe (Party and soap)




English summary in the end
Fest (party)
Ein av bidragsytarane hadde sendt med meg kontantar slik at vi kunne invitere unge og vaksne til fest. Neema og eg kjøpte mange store poser med drops, kjeks i riklege mengder og saft som skulle blandast med vatn.
I alt var det nærare 200 born og om lag 30 vaksne til stades, så det var mange munnar som skulle få ein smak - “som skulle mettast” ville vere å ta for sterkt i.
Det er svært sjeldan borna et snop, så stemninga var høg, sjølv om det ikkje vart så mykje på kvar: Alle fekk tre drops, tre små kjeks og eit krus med saft.

Emmy smyg seg mellom alle stolane og deler ut drops – alle tek tre drops. Andre vaksne delte ut kjeks og saft. (Emmy is walking around giving the children three pieces of sweets. Other adults handed out three cookies and a cup of juice mixed with water)





Her ser ein dei fleste festdeltakarane. Neema held ein tale.Kameraet er ikkje vidvinkla nok til å fange alle. (Most of the participants in the party. Neema speaking. The camera is not good enough to catch everybody)

Produksjon av såpe (production of soap)

Driftsutgiftene ved skulen og barneheimen vert haldne låge på ulike måtar, m.a. ved å produsere mykje av det ein treng. Dette gjeld t.d. sying av skuleuniformene,  dyrking og lagring av mais og bøner, mjølkeproduksjon og såpeproduksjon.
Både på skulen og i barneheimen går det med mykje såpe - til vask av kle, bidne, toalett og kropp. Mastadia, svigerinna til Godbless, reiser med buss  i 3 – 4 timar frå Arusha og bring med seg alle ingrediensane. Ho tek seg av produksjonen. Eg var heldig og fekk vere med då ho laga 100 liter flytande fleirbruks vaskemiddel og 20 liter sterkare variant til toalett.
Ho noterte oppskrifta for meg. I tillegg til nærare 100 liter vatn hadde ho i sju ingrediensar, på engelsk: industrial salt, sulphonic acid, caustic soda, soda ash, ungerol, dye (fargestoff) og parfyme. Utgiftene per liter var to kroner.
Ho vil kan hende ikkje like at detaljert oppskrift med mengd og framgangsmåte blir spreidd, så eg legg ikkje denne fram. Dessutan kan eg jo no produsere sjølve og selje til vener og kjende. (20 kr per liter?) Eg fekk med meg 1,5 liter, som gjorde at me ikkje har kjøpt Zalo på to månader. Den er litt svakare enn butikk-Zalo så vi må ha noko meir i oppvaskkummen.
Mastadia har starta eit firma der ho lagar ulike flytande og faste såpeliknande produkt. Ho har bra omsetting.


Mastadia lager 100 l. (Mastadia making 100 ls)

English summary
Party
One of the contributors had given me money to make a party for the children giving them sweets, cookies and juice mixed with water. The almost 200 children and the 30 adults had a very good time when they got three pieces of sweets, three pieces of cookies and a cup of juice mixed with water.
Soap
An important strategy keeping the expenses running the school and the home as low as possible is to produce themselves instead of buying. Examples are production of school uniforms, maze, beans, milk and soap.
Mastadia comes with a bus from Arusha bringing all the ingredients. She is running the soap department.
I had the opportunity to follow the production of 100 ls of multipurpose detergent. She used seven ingredients - industrial salt, sulphonic acid, caustic soda, soda ash, ungerol, dye and perfume.  She also made 20 ls of stronger soap for the toilets. She gave me 1,5 ls of the not so strong type which I brought back to Norway. It has been useful washing dishes etc.
Mastadia  has started a company making and selling different kind of soap – floating and hard types.

Ingen kommentarer:

Legg inn en kommentar